سالفتي أنا وأختشي وسرقة جوالي:(

فيني حقد ومولعه قهرررررررر من أسبوع
وبحط حرتي فيكم عندكم مانع

وأتمنى أي أحد ينشرها أول مره أسامحكم

قبل شهر شريت جوال وكنت أشاوركم وقتها هون
جوالي حبيب آلبي
وفرحانة فيه لدرجة ماشلت قراطيسة خفت يجيه خدش والا شي تقل أول مره أشتري جوال

ويجي ذاك اليوم قبل أسبوع وأروح مكان الحدث في صحارى تحديداً مع بوابة رقم واحد
وكانت أختي تنتظرني في ستار بوكس مشتهية موكا
الله يهديها ولا يبتلينا
لو دارية حلفت عليها ماتدخل ستار بوكس
خاصة اللي عند بوابة رقم واحد اللي في صحارى<< حاقدة

دخلت عند أخوتشي حبيبتشي وحطيت جوالي ع الطاولة

وتعرفون أخوات وتقابلوا
من زمان عن خشتها نسيت كل أبو كل شي كان معي

ويجي الزفت اللي مايتسماش يقول : صلاة ياهوانم ممنوع القلوس وقت الصلاة قوة المحل...

شلت أكياسي قلت لأختي بسبقك على محل سبنسر
وأنتِ أتمخطري براحتك قبل مايسكرون

خلصت شغلي وبدق على أختي أدور هنا هناك هونيك مافيش جوال خاااااالص

أزاي وكيف وليه وفين...بح

يانااااااااااااس وينه!!

عاد وحده مامعها جوال تحس أنها في صحراء الربع الخالي

رعب مابين فقدان الجوال
ومابين شريحتي اللي ممكن تطيح بيد واحد وفاتورتها مفتوحة
ومابين ملامح زوجي الغاضبة وكلماته العسل
غير الشغلات اللي بجهازي من صور خاصة...يالهوووووووتي
ومابين فكرة وشلون أطلع من هالموقف
بأقل أضرار وتهم لشخصي الكريم( خايفة على مشاعري)

كان معي جوال ثاني أتصلته منه على جوالي..
لقيته......................مغلق

أتصلت على أختي وأناأعيط ماتستنونيش
أشربي الكافي عليك بالعافية مالت عليك

كنت متأكدة أني ناسيته بالستار بوكس الله يأخذهم

وأرجع وأسنتر هناك وأكلم الأمن أبيه يكون موجود ويساندني خخخخخخخخ
لين رجعوا من الصلاة أمحق صلاة الله يتوب علينا بس

رجع الأخ( من دولة عربية ) ومعه فلبينووو

حكيت له السالفة وقاعد يقول مافيش حاقه يامدام خشي دوري براحتك
وأنا الشرر يتطاير من عيوني لأني متأكدة كان هنا
وماكان في المحل أحد لأنه وقت صلاة والعالم طالعة

وأدخل وأنا أقول كان هنا وينه
وأسحب في الكراسي وأدفها من الحقد وهم ساكتين مايبون يتحرشون خخخخخ
وملبسين نفسهم التهمة

قلت الجوال كان هناك ولازم تحصلونه..والا بتصل على الهيئة والشرطة وهي تطلعها

والرجال : مافيش حاقة والله وأتصلي بيهم..

لحظتها خربانة خربانة وماعندي إستعداد أكلم أحد يعل قلبي

حكيت للأمن : قلت وين الهيئة والشرطة لأن الهيئة لها ثقلها والناس تخاف منها خاصة اللي مايختشوش

طلع الآدمي حق المحل ونظرات عيونه تدل على انه مرتبك وخايف
وشاف الأمن يطلبهم...

فجأة وأنا أكلم من جوالي إلا أشوف العامل يطلع للشارع

وأعصب على حق الأمن ليش خليته يطلع وهو متهم خخخخخخخ خاشة جو مع الفلم المصري

كذا ممكن يهرب الجوال أو يرميه

وأوقف له عند البوابة وفي نفس الوقت حسيت أن طلعته وراها شي

قلت أعطيه الآمان وتغافلت عنه..

دخل للقهوة وأنتظرت برا لأني حسيت بيرجعه ف حبيت أعطيه وقت..

دخلت لقيت الفلبيني داخل المكان نفسه يدور ويأشر على الكنب

ياحليلهم فجأة جوال نط وقام قال أنا هنا خخخخخخ

دخلت وحصلته مدخله في فتحة الكنب ومرعوص ع الآخر شكله من خوفه خخخخخخ

حتى مامسكه ولا شي يعني زي اللي شوفي أنتِ عمياء خخخخخخخ

سحبته من مكانه بالقوة وأنا أطالع الزفت واقول الحلال مايضيع

كان بس أمنيتي أني رميت عليه كلمة ووضحت أنه سارقة

بس لحظتها قلت اللي جاه كفاية لأني إذا عصبت على أحد ماأرحمه من كلامي
وجاهم اللي كفاهم خخخخخخخخخخ

كتبت لأسباب

تشهير بالشخص والمكان بالتحديد
وأخذ إحتياطكم لأنه زي ماسواها معي أكيد سواها مع ألف غيري
وياكثر اللي ينسون جوالاتهم ويضيعونها

إذا أنتِ شكيتي ومتأكدة إن أحد من هالعمال سرقك
لاتخافين ولاتستسلمين لأنك( حرمة) وماتتصرفين إلا بوجود رجال..
لأني جد أنقهرت من تعليق أختي لما قالت : ماشاءالله عليك
لو مكانك وقال مافيه كنت بمشي وأقول عليه العوض..

الصور
أنا ماقد ضاع لي جوال في عمري كله
وكنت دايم أصور نفسي واتهاون بس سبحان الله كأني كنت حاسة
قبلها بيوم مسحت صوري منه وحرمت أصور نفسي
يعني لو ضياعه وفيها صوري وفي يد واحد حرامي مثله وش تتوقعون !بيحذفها ويستر عليك!
أو ينشرها والدنيا صغيرة مسرع تطيح في يد ناس تعرفك وتشوه سمعتك

الله يستر علي وعليكم ويحفظنا من كل شر ومكروه

ههههههههههههههههههههههههههههههههههه
يسلموووو

شكرا على الطلة